Ya Muhammad Noor-e-mujassam Ya Habibi Ya Maulai

Ya Muhammad Noor E Mujassam

Ya Muhammad Noor-e-mujassam Ya Habibi Ya Maulai

Tasweer-e-kamal-e-mohabbat Tanveer-e-jamal-e-khudayei

Tera Wasf Bayaan Ho Kis Se Teri Kon Karega Barayei

Iss Gard-e-safar Mein Gum Hai Jibreel-e-ameen Ki Rasayei

Teri Ek Nazar Ke Taalib, Tere Ek Sukhan Par Qurabaan

Ye Sab Tere Divaane, Ye Sab Tere Shayadai

Ye Rung-e-bahar-e-gulshan Ye Gul Aur Gul Ka Joban

Tere Noor-e-qadam Ka Dhowan Uss Dhowan Ki Ra’nayei

Ma Ajmalaka Teri Surat Ma Ah’sanak Teri Seerat

Ma Akmalaka Teri A’zmat Teri Zaat Mein Gum Hai Khudayei

Ae Mazhar-e-shaan-e-jamali Ae Khuwaja-o-banda Aa’li

Mujhe Hashr Mein Kaam Aajaye Mera Zoq-e-sukhan Aarayei

Jab Jalwa Fagan Hu-aey Aaqa, Sajde Mein Jhuka Tha Kaa’bah

Aey Aminah Kaisi Teri, Qismat Hai Khuda Ne Banaai

Tum Sab Se Pehle Muhaajir, Ghar Choda Khuda Ki Khaatir

Is Sunnat Par Jo Chale Hain, Aaqa Woh Hain Tere Fidaai

Tu Raees-e-roz-e-shafa’t Tu Ameer-e-lutf-o-i’nayat

Hai Adeeb Ko Tujhse Nisbat Ye Ghulam Hai Tu Aaqayei