മസ്ജിദിൻ മിനാരങ്ങൾ കരയുന്നു (lyrics) Masjidin minarangal karayunnu

🌹 *മസ്ജിദിൻ മിനാരങ്ങൾ കരയുന്നു*🌹 

മസ്ജിദിൻ മിനാരങ്ങൾ മനം പൊട്ടി കരയുന്നു,

മുസ്വല്ലയും മിഹ്റാബും വിലപിക്കുന്നു...

ഇന്ന് മഹാമാരി മുസ്വീബത്തിൽ മിഴി വാർക്കുന്നു... ×2

ജമാഅത്തും നിലച്ചിന്ന്,

ജുമാ നിസ്കാരവും നിന്ന്,

ജനമാകെ ഭവനങ്ങൾ അടച്ചിരുന്ന്...

ജല്ല ജലാലിൻ്റെ കരുണക്കായ് ദുആ തേടുന്നു... 

[മസ്ജിദിൻ...]

നിയന്താവിൻ വിധി മാറ്റി,

ദുനിയാവിൻ വഴി ചുറ്റി,

നിഫാഖിൻ്റെ നിഴൽ പറ്റി നടന്നതാല്...

നാഥൻ നമുക്കിന്ന് ചൊരിഞ്ഞത് മുസ്വീബത്തല്ലേ... 

[മസ്ജിദിൻ...]

മഹാമാരി കൊറോണയിൽ,

മഹിയാകെ കിലേശമിൽ,

മനുഷ്യന്റെ മനമാകെ മുഷിപ്പിൽ തേങ്ങി...

ലോകം ചിരി മങ്ങി വ്യസനത്തിൻ കയത്തിൽ മുങ്ങി...

[മസ്ജിദിൻ...]

മന്നാനെ മറന്നു നാം നടന്നതിൻ ഫലമല്ലേ,

മഹാവ്യാധി പടരാനും സബബിതല്ലേ...

മർത്യൻ മടങ്ങണം ഇലാഹിൻ്റ സവിതം കൊള്ളേ...

[മസ്ജിദിൻ...]

ഹല്ലാഖായുള്ള റബ്ബേ,

കാരുണ്യത്തിൻ്റെ ബാബേ,

കരം പുൽകി ഞങ്ങളെ നീ തുണച്ചിടണേ...

പാപി അബു അനീസിൻ്റെ ദുആ ഖബൂൽ ചെയ്യണേ...

[മസ്ജിദിൻ...]

 *✍🏻മദീനയുടെ👑വാനമ്പാടി*