യാ റബ്ബീ ... എന്നുമ്മയെ നീ കാക്കണേ (lyrics) Ya rabee yenummaye nee kakkane

🌹 *യാ റബ്ബീ ... എന്നുമ്മയെ നീ കാക്കണേ...* 🌹

താലോലം താലോലം താരാട്ടിൻ ശീല് 

പൊന്നുമ്മ പാടിയ തേനൂറുമിശല്.. 

മന്ദസ്മിതം തൂകി മാറോടു ചേർത്ത് 

ചെഞ്ചുണ്ടിലൂട്ടിയ അമ്മിഞ്ഞപ്പാല്... *(2)*

കുഞ്ഞിളം മേനിയിൽ കിന്നാരവും ചൊന്ന് 

ദിനമൊരുപാടിന്നന്നെ ഉമ്മ കാത്തു... 

ഓമനിച്ചോമനിച്ചന്നെന്റെ കവിളത്ത് 

ചുടുചുംബനങ്ങളെന്നെ ഉമ്മ ചാർത്തി... *(2)*

ആ പൂമുഖം... സ്നേഹ ഭാജനം 

ആ പൂമൊഴി... സ്നേഹസ്വാന്തനം 

                  *(താലോലം)*

പകരമേതുമില്ലാത്ത കൗതുകതീരം 

ഞാൻ കണ്ട ലോകത്തെ സുന്ദര സൂനം 

അലിവിൻ ആഴങ്ങൾ താണ്ടിയ താരം 

ആ കാൽ ചുവട്ടിലാണെൻ സുബർഗം... 

ഉദരത്തിലഭയവും ഉലകത്തിൽ ജനനവും 

എനിക്കായ് പകർന്നൊരാ സ്വാന്തന രൂപം... 

പകലിന്റെ നിറവിലും ഇരുളിന്റെ മറവിലും 

സ്നേഹ സ്പർശനങ്ങളാലൂട്ടിയ ഗേഹം... 

യാ റബ്ബീ ... എന്നുമ്മയെ നീ കാക്കണേ... 

യാ റബ്ബേ... എന്റുമ്മാക്ക് സുഖമേകണെ... 

                 *(താലോലം)*

ആ വിരൽതുമ്പിൽ തൂങ്ങി പിച്ചവെച്ചതും 

ആ മടിത്തട്ടിലായ് തല ചായ്ച്ചതും  

ആ തണൽ തൊട്ടിലിൽ വളർന്നൊരു ബാല്യം 

ഓർക്കുമ്പോൾ സുഖമുണ്ടാ സുന്ദരകാലം *(2)* 

 

ഇന്നോളം കണ്ടില്ല കുന്നോളം സ്നേഹിച്ച

ഉമ്മാക്ക് തുല്യമായുള്ളൊരു മേനി

ഇനിയും ആ തണലേറ്റ് നാളേറെ നീങ്ങിടാൻ 

കൊതിപൂണ്ടു തേടുന്നു പരനിൽ വിധി... 

           യാ റബ്ബീ ... എന്നുമ്മയെ നീ കാക്കണേ... 

യാ റബ്ബേ... എന്റുമ്മാക്ക് സുഖമേകണെ... 

                       *(താലോലം)* 

/✍🏽 *മദീനയുടെ* 👑 *വാനമ്പാടി*