പിടച്ചിടുമീ ഹൃദയത്തിൻ്റെ | Pidachidumee Hridayathinte | With Lyrics | Twaha Thangal Pookkottur

 

പിടച്ചിടുമീ ഹൃദയത്തിന്റെ

തുടിപ്പൊഴിയും സമയം

പടപ്പിനുണ്ടോ പടച്ചവന്റെ

തുണയൊഴികെ അഭയം

മരവിപ്പിന്റെ മനുഷ്യ രൂപം

അതിലൊഴിയും ചലനം

മടക്കിത്തരാന്‍ അസ്‌റായീലും 

നിസഹായനാം നിമിഷം

അതികഠിനം റൂഹിന്‍ മടക്കം

അതില്‍ നിലയ്ക്കും ശ്വസനം

ലോകം കണ്ട നിന്‍ തുറന്നു വെച്ച

കണ്ണുകൾ രണ്ടും അടയും

അകം കറുപ്പെങ്കില്‍ പുറം മിനുക്കുന്ന

മനുഷ്യര്‍ക്കുണ്ടോ വിജയം

അഗതി അനാഥക്കെതിരു തിരിഞ്ഞ

അഹങ്കാരമാണപകടം

അശരണരെ വെറുക്കരുതെ

അഹദവനെ മറക്കരുതെ

അവന്റരികെ നിന്നെ വിളിക്കും മുന്നെ

കഴുകിടണേ പാപക്കറ മകനേ...

നിലവിളികള്‍ക്ക് ചെവി കൊടുക്കാത്ത

കല്ലുരുക്കോ നിന്റെ ഹൃദയം

നിനക്കറിയാത്ത ലോകത്ത് നീ നല്‍കും

ഔദാര്യമല്ല നിന്‍ വിനയം

കവിഞ്ഞൊഴുകും പുഴ കണക്കെ നിന്റെ

ദോഷം കുമിഞ്ഞാലും

റബ്ബ് പൊറുക്കും മുത്തെ...

റൂഹ് തൊണ്ടക്കുഴിയെത്തും

മുമ്പ് തൗബയെടുത്തെങ്കില്‍ ഉണ്ട് മോക്ഷം

റബ്ബിന്‍ മുന്‍പില്‍ നമ്മുക്ക് പൊന്നെ....